Үзүүлбэр үзүүлэгч

the entertainer гээд ая байдагдаа, бараг л хүн бүр мэдэх болов уу.

Entertainer  гэдэг үгийг  үзүүлбэр үзүүлэгч гээд хөрвүүлчихлээ

Дургүйг чинь хүргээд байгаа хүн байвал, тийм хүн байвал зүгээр л үзүүлбэр үзүүлж байна л гэж бодоод өөрийгөө тайвшруулах хэрэгтэй. Хэлсэн үгээрээ бас хийсэн үйлдлээрээ нүд хорсгосон, дургүй хүргэсэн, уур хүргэсэн, эгдүү хөдөлгөсөн гээд янз бүрийн хүмүүс л энэ хорвоод байгаа. Тэр болгонд нь бухимдах сайхан бас онц зүйл огт биш. Уурлалаа, бухимдлаа, үг хаялаа, хүнд ярилаа гээд юу нь сайхан юм. Тэгээд ч муудалцлаа гэхэд нөгөө хүн нь ямар ч хүн таарах юм билээ. Муугаар бодоход гай гэдэг нь таарч мэдрэл муутай тэгээд бас дээрээс нь бяртай хүн таараад гэмтээж ч болно. Эсвэл далдын хүчтэй бөө мөө байдаг ч юм уу. Ер нь ямар ч байж болох. Одоо цагт болгоомжтой байхад гэндэхгүй.

Тийм болохоор харин ч энэ болгоныг өөртөө сайн байхаар эргүүлэх / харах хэрэгтэй. Сайхан инээгээд л өнгөрөхгүй юу. Инээх чинь сайхан. Гэхдээ тэр хүнийг шоолж биш. Тэр хүн үзүүлбэр л үзүүлж байгаан. Яг кино концерт цирк шиг. Харин чиг таныг инээлгэж байгаа, уураа хянах дадлага туршлага олгож байгаа, ингэвэл муухай харагддаг юм шүү гэдгийг мэдрүүлж байгаа тийм л "ачтан".

Laugh, smile, enjoy. Be open-minded.

Smilers never loose.

Үнэндээ бууж өгч байгаа юм шиг харагдавч үнэнийг нь та өөрөө мэднэ